Lokabæn

Kæri Meistari minn, margvíslegar blessanir Þínar og gjafir hafa fyllt hjarta mitt þakklæti og lofgjörð svo að yfir flæðir. En lofgjörð hjarta og tungu nægir mér ekki fyrr en ég sanna í verki að líf mitt sé helgað þjónustu Þinni. Þakkir og lof sé Þér fyrir að Þú hefur leitt mig, þótt óverðugur sé, frá dauða til lífs og látið mig gleðjast í samfélagi Þínu og kærleika. Ég þekki hvorki sjálfan mig né mína sáru neyð eins og mér bæri, en Þú, ó Faðir, þekkir sköpunarverk Þín og þarfir þeirra til hlítar. Ekki get ég heldur elskað sjálfan mig eins og Þú elskar mig. Að elska sjálfan mig í sannleika er að elska af hjarta og sál þann takmarkalausa kærleika sem gaf mér tilveruna, og sá kærleikur ert Þú. Þess vegna hefur Þú aðeins gefið mér eitt hjarta, til þess að það sé fest við einn einasta, við Þig, sem skapaðir það.

Meistari minn, að sitja við fætur Þína er miklu betra en að sitja í tignasta hásæti jarðar, því að það merkir að vera hafinn í hásæti að eilífu í hinu eilífa ríki. Og nú færi ég sjálfan mig að brennifórn á altari þessara heilögu fóta. Taktu náðarsamlega við mér, og notaðu mig í þjónustu Þinni hvar og hvernig sem Þú vilt. Því að Þú ert minn og ég tilheyri Þér, sem tókst þessa hnefafylli af dufti og gerðir mig í Þinni eigin mynd og veittir mér rétt til að verða sonur Þinn.

Öll virðing og dýrð, lof og þakkargjörð sé Þér um aldir alda. Amen.