„„Konan mín er með lungnakrabbamein, sem einnig er komið upp í höfuð og veldur miklum sársauka.“ Mannlega séð er framtíðin ekki björt, en hjá honum var trú fyrir því að Guð megnaði allt. Hann sagði: „Omega er eina sjónvarpsstöðin sem er í gangi á okkar heimili.“"
„Mig langar til að þakka ykkur fyrir stórkostlega trú ykkar! Mitt líf og þúsunda annarra hefur tekið miklum breytingum. Að hafa fagnaðarerindið 24 tíma á sólarhring hefur verið þvílík blessun! Áður leið mér ekki vel yfir sjónvarpinu, þar til ég fann Omega. Þá breytti Guð sjónvarpinu í hina mestu blessun fyrir mig."
„Ég þakka ykkur fyrir að vera trúföst við Guð og hina kristnu með því að koma upp þessari rás, og ég treysti því að þið fáið fleiri stórkostlega predikara. Samfélag mitt við Drottin Jesú Krist hefur orðið sterkara og sterkara eftir að ég fann rásina ykkar."
„Kona fékk alvarlega bakteríusýkingu eftir mjaðmaaðgerð. Hún var lengi í sóttkví og þurfti að taka inn sterk sýklalyf. Þetta tók mikið á hana og hún varð mjög þunglynd. Það var oft beðið fyrir henni í gegnum sjónvarpsstöðina og nú hefur hún náð heilsu og er komin aftur heim. Hún er Drottni mjög þakklát."
„Kona hringdi inn alvarlegt bænarefni fyrir vinkonu sína sem hafði fengið stíflu í vélinda og orðið mjög veik. Læknar voru ráðþrota og hún gat ekkert borðað. Konan bað um bænaklút og fyrirbænir frá sjónvarpsstöðinni. Í beinni útsendingu sagði svo maður: „Vélinda læknast.“ Alvarlega veika vinkonan fékk lækningu."
„Faðir hringdi inn bænarefni fyrir son sinn sem var með mikla verki í hálsliðum og slæmt psoriasis á fótum. Sonurinn læknaðist fullkomlega eftir fyrirbæn. Þökk sé Jesú."