„Ekki er lærisveinn meistaranum fremri, en hver sem er fullkominn, verður eins og meistari hans“

Andi minn, sem hafði beygst í auðmýkt og nánast sundurkramist við orð fyrsta boðskaparins, lyftist skyndilega upp í skærum bjarma dýrðar þegar ég gerði mér grein fyrir því að þótt ég gæti aldrei orðið meistara mínum fremri, hafði Guð sagt að ég skyldi verða EINS OG MEISTARI MINN! (Ég komst einnig að því að þetta var tilvitnun í Ritninguna – Lúkasarguðspjall 6:40, KJV.)

Þetta er ekki fyrirheit sem bíður komu Krists til að uppfyllast (eins og sumir hafa haldið). Það er ætlað fylgjendum Krists HÉR OG NÚ! Þetta fyrirheit var talað beint til mín, mér til fræðslu og uppbyggingar, en þar sem það er bein tilvitnun í Ritninguna á það ekki aðeins við um mig, heldur HVERN ÞANN SEM VILL TRÚA ÞVÍ! Það er ætlað ÞÉR! Þú getur læknað sjúka! Þú getur séð kraftaverk! Þú getur iðkað náðargjafir andans! (Fyrra Korintubréf 12:8–11) ÞÚ GETUR UNNIÐ ÞAU VERK SEM HANN VANN! Guð hefur sagt að þú gætir það, og HANN GETUR EKKI LOGIÐ!Fyrra Korintubréf 12:8–11

„Guð er ekki maður, að hann ljúgi, né sonur manns, að hann sjái sig um hönd. Skyldi hann segja nokkuð og gjöra það eigi, tala nokkuð og efna það eigi?“ Fjórða Mósebók 23:19.

Fjórða Mósebók 23:19 · Biblían 1981

„Ég vil eigi vanhelga sáttmála minn og eigi breyta því, er mér hefir af vörum liðið.“ Sálmarnir 89:35.

Sálmarnir 89:34 · Biblían 1981

Þá gilti þetta: „Hver sem er FULLKOMINN“ (sá sem uppfyllir skilyrðin) – ÉG GÆTI ORÐIÐ EINS OG MEISTARI MINN!

En sumir munu segja: „Það er ómögulegt, því að Hann var Guð jafnt sem maður. En við erum aðeins menn.“

Slíkir gleyma skýrum orðum Ritningarinnar: „Því að víst er um það, að ekki tekur hann að sér englana, en hann tekur að sér afsprengi Abrahams. Því var það, að hann í öllum greinum átti að verða líkur bræðrum sínum, svo að hann yrði miskunnsamur og trúr æðsti prestur í þjónustu fyrir Guði, til þess að friðþægja fyrir syndir lýðsins.“ Hebreabréfið 2:16, 17.Hebreabréfið 2:16, 17 · Biblían 1981

„Hann svipti sig öllu, tók á sig þjóns mynd og varð mönnum líkur. Hann kom fram sem maður, lægði sjálfan sig og varð hlýðinn allt til dauða, já, dauðans á krossi.“ Filippíbréfið 2:7, 8.

Filippíbréfið 2:7, 8 · Biblían 1981

„MAÐURINN Kristur Jesús.“ Fyrra Tímóteusarbréf 2:5.

Fyrra Tímóteusarbréf 2:5

Kvöld eitt, þegar Jesús og lærisveinar Hans voru úti á litlum báti, skall á mikið stormviðri á vatninu svo að lærisveinarnir óttuðust mjög um líf sitt. Jesús hastaði á vindinn og vatnið og í sömu andrá varð stillilogn. Mennirnir sem voru með Honum í bátnum undruðust og sögðu: „Hvers konar MAÐUR er þetta?“ Matteusarguðspjall 8:27.Matteus 8:27

Spurning þeirra hljómar enn á vörum margra nú á dögum, þegar þeir virða fyrir sér suma af lærisveinum Hans sem í trú eigna sér fyrirheit Hans og ganga fram til að færa sjúkum lækningu, reisa upp dauða og þjóna orðinu (eins og Jesús sagði sjálfur að þeir skyldu gera – Markúsarguðspjall 16:17, 18) með yfirnáttúrulegri staðfestingu í gegnum táknin sem fylgja. Margir virðast halda að hér sé um að ræða einhverja sérkennilega og ólíka tegund eða gerð manna. Svo er ekki. Þeir eru einfaldlega ósköp venjulegir, hversdagslegir menn, fullir af heilögum anda og gefnir Guði á vald til verka Hans – menn sem hafa uppgötvað að þeir geta orðið EINS OG MEISTARI ÞEIRRA og hafa helgað líf sitt því að ná því marki.Markús 16:17, 18

Þegar fólkið í Lýstru sá að skipun Páls gat fært manni, sem var lami frá móðurlífi, lækningu, sagði það: „Guðirnir eru í manna líki stignir niður til okkar.“ Þar sem þeir voru óupplýstir heiðingjar vissu þeir auðvitað ekki að menn gætu búið yfir slíkum krafti. En margt kristið fólk virðist vera alveg jafn ómeðvitað um þann kraft sem Guð hefur gert lýð Sínum aðgengilegan. Þegar þetta vesalings heiðna fólk vildi færa Páli og Barnabasi fórnir sem guðum, neituðu þeir að leyfa það og sögðu: „Við erum líka menn, sama eðlis og þið, og boðum ykkur að þið skuluð snúa ykkur – til lifandi Guðs.“ Sjá Postulasagan 14:8–15.Postulasagan 14:8–15

Jesús var sannarlega Guð jafnt sem maður. Samt var það ekki í guðlegu eðli Sínu sem Hann gekk um á jörðinni og vann kraftaverk. Spurningin sem svo oft gleymist er ekki: „Hvers konar Guð er þetta?“ Við, sem erum lærisveinar Hans, þurfum að spyrja líkt og lærisveinarnir forðum: „Hvers konar MAÐUR er þetta?“

Samkvæmt eigin orðum var Jesús hluti af hinum eilífa þríeina Guðdómi, sem samanstendur af Föðurnum (Jehóva), Syninum (Jesú Kristi) og heilögum anda. Hann var til áður en heimurinn var skapaður og tók þátt í sköpunarverkinu. (Jóhannesarguðspjall 1:1–3.) Hann var ekki aðeins HJÁ Guði og LÍKUR Guði, HANN VAR GUÐ! Allir eiginleikar guðdómsins voru Hans. Ásamt Föðurnum var Hann almáttugur, alvitur, alls staðar nálægur og eilífur. Allt þetta á Hann í dag, þar sem Hann er dýrlegur orðinn við hægri hönd Guðs á himnum. Við lok jarðneskrar þjónustu Sinnar við lækningu sjúkra og kraftaverk, þegar Hann var reiðubúinn að láta fórna Sér fyrir syndir okkar, bað Hann: „Ég hef gjört þig dýrlegan á jörðu með því að fullkomna það verk, sem þú fékkst mér að vinna. Faðir, gjör mig nú dýrlegan hjá þér með þeirri dýrð, sem ég hafði hjá þér, áður en heimur var til.“ Jóhannesarguðspjall 17:4, 5.Jóhannes 1:1–3 · Biblían 1981 · Jóhannes 17:4, 5 · Biblían 1981

Dýrðin sem var Hans áður en heimur var til!

Dýrðin sem er Hans í dag!

En dýrðin sem var LÖGÐ TIL HLIÐAR þegar Hann klæddist mannlegu holdi. Hann kom sem ósjálfbjarga hvítvoðungur, fæddur af konu, umskorinn eins og hver annar gyðingadrengur, og þroskaðist að visku og vexti í bernsku Sinni og uppvexti (Lúkasarguðspjall 2:52); Hann grét, hungraði, þyrsti, þreyttist, svaf og vakti – og varð hluttakandi í hverjum veikleika og takmörkun mannlegs holds og blóðs. (Þar sem nú börnin eru af holdi og blóði, þá hefur hann og SJÁLFUR FENGIÐ HLUTDEILD Í MANNLEGU EÐLI Á SAMA HÁTT. Hebreabréfið 2:14.) Hans var „Á ALLAN HÁTT freistað eins og okkar, en án syndar.“ Hebreabréfið 4:15.Hebreabréfið 2:14 · Biblían 1981 · Lúkas 2:52 · Hebreabréfið 4:15

„Hann var í upphafi hjá Guði. Allir hlutir urðu fyrir hann, án hans varð ekki neitt, sem til er.“ Jóhannesarguðspjall 1:2, 3. Þrátt fyrir allt þetta NOTAÐI Jesús ENGAN ÞANN KRAFT þegar Hann var hér á jörðu í holdinu SEM ER EKKI AÐGENGILEGUR Í DAG hverjum þeim sem trúir! Slík fullyrðing væri guðlast EF JESÚS SJÁLFUR HEFÐI EKKI gert það ljóst, aftur og aftur, að þetta væri ætlun Hans.Jóhannes 1:2, 3 · Biblían 1981

„Hver sem er fullkominn VERÐUR EINS OG MEISTARI HANS.“ Lúkasarguðspjall 6:40, KJV.

„Ég hef sent þá í heiminn, eins og þú sendir mig í heiminn.“ Jóhannesarguðspjall 17:18.

Jóhannes 17:18 · Biblían 1981

„Þau verk, sem ég gjöri, MUN HANN EINNIG GJÖRA.“ Jóhannesarguðspjall 14:12.

Jóhannes 14:12

Þótt Hann væri almáttugur Guð lýsti Hann því samt yfir í jarðnesku lífi Sínu og þjónustu: „Sonurinn getur ekkert gjört af sjálfum sér.“ „Ég get ekkert gjört af sjálfum mér.“ Jóhannesarguðspjall 5:19, 30. „Trúir þú ekki, að ég er í föðurnum og faðirinn í mér? Orðin, sem ég segi við yður, tala ég ekki af sjálfum mér. Faðirinn, sem í mér er, vinnur sín verk.“ Jóhannesarguðspjall 14:10.Jóhannes 14:10 · Biblían 1981 · Jóhannes 5:19, 30

Svarið við spurningu lærisveinanna: „Hvers konar MAÐUR er þetta?“ er hvorki að finna í þeim guðdómlega mætti sem Hann beitti áður en Hann „varð hold og bjó á meðal okkar“, né í þeim mætti sem Hann á í dag í hinum himnesku bústöðum. Svarið er aðeins að finna í jarðnesku (mannlegu) lífi Hans. Hann lifði því lífi SEM FYRIRMYND fyrir þá sem Hann skildi eftir í heiminum til að fullna það verk sem Hann hafði hafið meðan Hann var hér. „Og lét okkur eftir FYRIRMYND, til þess að ÞIÐ skylduð fet í fet fylgja fótsporum Hans.“ Fyrra Pétursbréf 2:21. Hann var kennari okkar (meistari) og við, lærisveinar Hans (hver sem er fullkominn), VERÐUM EINS OG meistari okkar! Hefði Hann notað kraft sem okkur stæði ekki til boða væri ómögulegt fyrir okkur að fylgja fordæmi Hans. En Hann skildi okkur eftir það fyrirheit að við myndum meðtaka SAMA KRAFT og frá SÖMU UPPSPRETTU og Hann hafði!Fyrra Pétursbréf 2:21

„Sjá, ég sendi fyrirheit föður míns yfir yður, en verið þér kyrrir í borginni, uns þér íklæðist krafti frá hæðum.“ Lúkasarguðspjall 24:49.

Lúkas 24:49 · Biblían 1981

„Þið munuð öðlast KRAFT, þegar heilagur andi kemur yfir ykkur.“ Postulasagan 1:8.

Postulasagan 1:8

„Þessi tákn munu fylgja þeim, er trúa: Í MÍNU NAFNI munu þeir reka út illa anda, tala nýjum tungum – yfir sjúka munu þeir leggja hendur, og þeir verða heilir.“ Markúsarguðspjall 16:17, 18.

Markús 16:17, 18

„Sjá, ég hef gefið ykkur VALD – yfir öllu valdi óvinarins.“ Lúkasarguðspjall 10:19.

Lúkas 10:19

„Sá sem trúir á mig, ÞAU VERK SEM ÉG GJÖRI MUN HANN EINNIG GJÖRA.“ Jóhannesarguðspjall 14:12.

Jóhannes 14:12

„Þér þekkið náð Drottins vors Jesú Krists. Hann gjörðist fátækur yðar vegna, þótt ríkur væri (af himneskri dýrð og guðlegum mætti), til þess að þér auðguðust af fátækt hans.“ Síðara Korintubréf 8:9. Hann lagði þetta allt saman líkt og klæði, lagði til hliðar Sinn mikla auð og mátt og kom í heiminn sem hvítvoðungur, tók á sig þjóns mynd, svipti Sig öllu og lifði meðal manna sem einn af þeim. (Filippíbréfið 2:7.) Arfsagnir hafa spunnið upp kraftaverk frá bernskuárum Hans, en orð Guðs lýsir því skýrt yfir: „Þetta FYRSTA tákn sitt gjörði Jesús í Kana í Galíleu“ (þar sem Hann breytti vatni í vín). Jóhannesarguðspjall 2:11. Hann GERÐI EKKERT KRAFTAVERK né sýndi nokkurn yfirmannlegan mátt ÁÐUR EN HEILAGUR ANDI KOM YFIR HANN! (Matteusarguðspjall 3:16, 17; Jóhannesarguðspjall 1:33.) Það var eins og segir „Það er sagan um Jesú frá Nasaret, hvernig Guð smurði hann heilögum anda og krafti. Hann gekk um, gjörði gott og græddi alla, sem af djöflinum voru undirokaðir, því Guð var með honum.“ Postulasagan 10:38. Þetta er leyndarmálið á bak við árangur Hans SEM MANNS.Seinna Korintubréf 8:9 · Biblían 1981 · Filippíbréfið 2:7 · Biblían 1981 · Jóhannes 2:11 · Biblían 1981 · Postulasagan 10:38 · Biblían 1981 · Matteus 3:16, 17 · Jóhannes 1:33

Hvers konar maður?

Maður SMURÐUR HEILÖGUM ANDA OG KRAFTI. Og Guð var MEÐ HONUM!

Og þó – gleymdu því ekki – maður sem var MAÐUR Í HÚÐ OG HÁR! Maður sem mætti – og sigraði – HVERJA FREISTINGU sem mannkynið þekkir! Maður sem (þótt Hann sem Guð hefði verið alls staðar nálægur) gat aðeins verið á einum stað í einu. Þótt Hann sem Guð hefði hvorki blundað né sofið (Sálmarnir 121:4), þá kenndi Hann sem maður þreytu (Jóhannesarguðspjall 4:6) og þarfnaðist svefns (Matteusarguðspjall 8:24). Hann varð að fara stað úr stað á heitum, lúnum og rykugum fótum – ferðahraði Hans takmarkaðist við gönguhraða, og fætur Hans, sem höfðu gengið um lýtalaus gullin stræti himinsins, urðu óhreinir og marðir af rykinu og grjótinu á ómalbikuðum og saurugum austurlenskum götum og vegarslóðum Palestínu. Hve feginn Hann tók svalanum og hreinsuninni af fótaþvottinum sem tíðkaðist fyrir máltíðir – þegar einhver óeigingjarn maður hafði hugsun á að þjóna Honum á þann hátt! Hann þoldi hungur og þorsta, einmanaleika, þreytu og sársauka. Hann sem um hafði verið sagt: „Því að mín eru öll skógardýrin og skepnurnar á fjöllum þúsundanna. Væri ég hungraður, mundi ég ekki segja þér frá því, því að jörðin er mín og allt sem á henni er“ (Sálmarnir 50:10, 12), gerði ekkert tilkall til neins af því handa Sjálfum Sér SEM MAÐUR, heldur varð enn fátækari en refirnir og fuglarnir, því að Hann átti hvergi höfði Sínu að að halla. (Lúkasarguðspjall 9:58.)Sálmarnir 50:10, 12 · Biblían 1981 · Lúkas 9:58 · Biblían 1981 · Sálmarnir 121:4 · Jóhannes 4:6 · Matteus 8:24

Allt þetta gerði Hann FÚSLEGA fyrir okkur, til þess að við mættum eiga hlutdeild í ríkidæmi dýrðar Hans.

Þegar Satan freistaði Hans í eyðimörkinni (Matteusarguðspjall 4:3, 4), fólst fyrsta freistingin í því að Hann skyldi beita sköpunarmætti HINS EILÍFA SONAR GUÐS til að seðja mannlegt hungur Sitt. Hefði Hann gert það, hefði Honum mistekist að vera „í öllum greinum líkur bræðrum sínum“. Það skipti miklu máli fyrir áætlun Satans að spilla þessu atriði ef nokkur kostur væri. En Jesús féll ekki í þessa freistingu. Í svari Hans felst engin skírskotun til guðdómsins. Hann svaraði einarðlega SEM MAÐUR! „Eigi lifir MAÐURINN á einu saman brauði, heldur á hverju því orði, sem fram gengur af Guðs munni.“Matteus 4:3, 4 · Biblían 1981

Hann hafði yndi af því að tala um Sjálfan Sig sem „MANNSSONINN“.

Þar sem það er svo augljóst af Ritningunni að Jesús tók á Sig okkar eigið eðli og takmarkanir til þess að Hann gæti orðið okkur sönn fyrirmynd, ber okkur að rannsaka þá fyrirmynd vandlega og íhuga spurninguna: „Þar eð allt þetta ferst þannig, hversu ber yður þá ekki að ganga fram í heilagri breytni og guðrækni.“ Síðara Pétursbréf 3:11.Seinna Pétursbréf 3:11 · Biblían 1981

Hann var maður máttar. Hann talaði eins og sá er vald hefur (Markúsarguðspjall 1:22). Menn undruðust þetta mjög, því að trúarleiðtogar þess tíma þekktu ekkert til þessa máttar, heldur kenndu erfikenningar, tilgátur og guðfræðilegar skýringar. Jesús skar í gegnum allar þær línur sem hárfín kenningaratriði þeirra drógu, og RAK ÚT MEÐ VALDBOÐSORÐUM SÍNUM illa anda, sjúkdóma og krankleika. Þegar Hann talaði GERÐUST HLUTIRNIR! Hann talaði eins og sá er vald hefur VEGNA ÞESS AÐ HANN HAFÐI VALD! Hinir hefðbundnu trúarleiðtogar töluðu ekki eins og Hann talaði, vegna þess að þeim hafði aldrei verið gefið vald yfir mætti óvinarins. Hve margir „trúarleiðtogar“ nú á dögum tala ekki eins og fræðimennirnir og farísearnir! Þeir sem eru EINS OG meistari þeirra tala með valdi – því valdi sem Kristur hafði meðan Hann var hér til að beita því, vegna þess að Hann hafði þegið það frá Föðurnum (Jóhannesarguðspjall 5:27). Hann kom í nafni Föðurins (Jóhannesarguðspjall 5:43) sem löglegur UMBOÐSMAÐUR Hans til að vinna verk Föður Síns. („Ég verð að vinna verk þess, sem sendi mig.“ Jóhannesarguðspjall 9:4.) Meðan Hann var á jörðu valdi Hann lærisveina (fyrst tólf, Lúkasarguðspjall 9:1, síðan sjötíu aðra, Lúkasarguðspjall 10:1, 19) sem Hann skipaði „fulltrúa“ og veitti þeim sama fulla umboð og Hann notaði sjálfur. („Herra, jafnvel illir andar eru oss undirgefnir Í ÞÍNU NAFNI.“ Lúkasarguðspjall 10:17.) Þannig voru þeir þjálfaðir undir beinni handleiðslu Hans til að vera reiðubúnir að halda áfram „öllu því, sem Jesús TÓK AÐ gjöra og kenna“ (Postulasagan 1:1), þegar sá tími kæmi að Hann hyrfi aftur til Föðurins.Markús 1:22 · Biblían 1981 · Jóhannes 5:27 · Biblían 1981 · Jóhannes 5:43 · Biblían 1981 · Lúkas 9:1 · Biblían 1981 · Lúkas 10:17 · Biblían 1981 · Jóhannes 9:4 · Lúkas 10:1, 19 · Postulasagan 1:1

Nú þegar Hann er horfinn aftur til Föðurins og upp hafinn til hægri handar Guðs, hefur Hann ekki ætlað að því verki sem Hann hóf með slíkri þjáningu og fórn yrði hætt. Áður en Hann fór burt skildi Hann eftir fyrirmæli og vald til að verki Hans yrði haldið áfram. Þeir sem trúa á Hann eru gerðir að umboðsmönnum Hans og þeim er boðið að gera Í HANS NAFNI (með valdi Hans, líkt og með fullu umboði) allt það sem Hann myndi sjálfur gera ef Hann væri líkamlega viðstaddur! „Í MÍNU NAFNI munu þeir reka út illa anda, tala nýjum tungum, taka upp höggorma (ekki til að freista Guðs, heldur ef það skyldi gerast fyrir slysni eins og kom fyrir Pál, Postulasagan 28:3–5), og þó að þeir drekki eitthvað banvænt, mun þeim ekki verða meint af. Yfir sjúka munu þeir leggja hendur, og þeir verða heilir.“ Markúsarguðspjall 16:17, 18. „Og hvers sem þér biðjið í mínu nafni, það mun ég gjöra, svo að faðirinn vegsamist í syninum.“ Jóhannesarguðspjall 14:13.Markús 16:17, 18 · Biblían 1981 · Jóhannes 14:13 · Biblían 1981 · Postulasagan 28:3–5

Gjafirnar sem Hann gaf kirkjunni, til að fullkomna hina heilögu, til verka þjónustunnar, til að byggja upp (til uppbyggingar) líkama Krists (kirkju Hans), Efesusbréfið 4:8–12, ná yfir öll þau miklu og máttugu verk sem Jesús vann þegar Hann var hér í holdinu (sjá Fyrra Korintubréf 12:7–11).Efesusbréfið 4:8–12 · Fyrra Korintubréf 12:7–11

Aldrei nokkurn tíma kenndi Hann, hvorki óbeint né með beinum orðum, að þessi kraftur myndi hverfa úr heiminum þegar Hann færi burt. Þvert á móti lýsti Hann yfir í síðasta umboði Sínu til þeirra sem Hann skildi eftir: „Allt vald er mér gefið á himni og jörðu. FARIÐ ÞVÍ (vegna þess að þetta vald er HANS, og fyrir Hann OKKAR, Lúkasarguðspjall 24:49, Postulasagan 1:8) og gjörið ALLAR ÞJÓÐIR að lærisveinum – og kennið þeim að HALDA (hlýða – skilgreining í orðabók Webster's) ALLT ÞAÐ (Læknið sjúka, vekið upp dauða, hreinsið líkþráa, rekið út illa anda. Gefins hafið þér fengið, gefins skuluð þér láta í té. Matteusarguðspjall 10:8.), sem ég hef boðið yður. Sjá, ég er með yður alla daga allt til enda veraldar. Amen.“ Matteusarguðspjall 28:18–20.Matteus 10:8 · Biblían 1981 · Matteus 28:18–20 · Biblían 1981 · Lúkas 24:49 · Postulasagan 1:8

Þessir lærisveinar, smurðir heilögum anda (Postulasagan 2:4), „Þeir fóru og prédikuðu hvarvetna, en Drottinn var í verki með þeim og staðfesti boðun þeirra með táknum, sem henni fylgdu.“ Markúsarguðspjall 16:20.Markús 16:20 · Biblían 1981 · Postulasagan 2:4

Svo lengi sem menn eru smurðir heilögum anda og Guð er með þeim, eins og var með Jesú (Postulasagan 10:38) og fyrstu lærisveinana (Markúsarguðspjall 16:20), og eins og Jesús sagði að yrði „allt til enda veraldar“ (Matteusarguðspjall 28:20), munu þau verk sem Jesús vann halda áfram að verða unnin!Postulasagan 10:38 · Markús 16:20 · Matteus 28:20

Lærisveinninn á ekki að vera meistara sínum fremri, en hann VERÐUR EINS OG MEISTARI HANS!

En ef við eigum að líkjast Honum í KRAFTI, verðum við einnig að líkjast Honum í heilagleika, í helgun, í hógværð og í miskunnsemi. Við verðum að líkjast Honum í bæn og í samfélagi við Föðurinn. Við verðum að líkjast Honum í trú. Við verðum að líkjast Honum í föstu og sjálfsafneitun. Ef mögulegt væri fyrir þjóninn að líkjast Honum í krafti án þess að greiða gjaldið sem Hann greiddi, þá væri þjónninn herra sínum fremri.

Það þarf að greiða gjald fyrir allt sem Guð býður mannkyninu. Í vissum skilningi er það allt ókeypis, en gjaldið felst í hlýðni og undirbúningi. Jafnvel okkar ókeypis hjálpræði verður aðeins okkar þegar við höfum hlýtt áminningu Guðs um að gera iðrun og trúa á Drottin Jesú Krist. „Gjöf heilags anda“ verður aðeins okkar þegar við hlýðum Honum. Postulasagan 5:32. Kraftur hjá Guði LÍKT OG JESÚS HAFÐI er fyrir þá – ALLA ÞÁ – sem uppfylla skilyrðið: „hver sem er FULLKOMINN verður eins og meistari hans.“ Lúkasarguðspjall 6:40, KJV.Postulasagan 5:32 · Biblían 1981